港股面對最大問題是中期超賣，我在節目已提出過週線RSI已經連續出現3星期超買，所以有好大回吐壓力，只係市場在等回吐嘅借口而已。若然回吐應回調幾多呢？
首先，一個升浪會留下好多裂口，呢啲裂口係要補回嘅。由1月開始計嘅升浪中，出現咗好多個裂口，當中唔少已經補回，所以不用再理會，部份係唔會補回（唔好問點解唔補，其實係會補回嘅，不過太深不作解釋了）。以4月裂口A計，係6日後已經補回裂口，可以不理。但5月開始出現了4個裂口，當中兩個好快已補回，但最低一個裂口B尚未補回。若然大市要再創高位，通常（係呀，保險啲嘛）要先補回，咁先有資格創高位，換句話說今次回調以補回裂口為主，其中裂口B補回機會極大，以裂口B起點計係24889點，有可能補回部份亦有可能全補再落深啲，而3月中頂位24659點應該有好大參考價值。
你或者會問，咁咪穿埋50天線囉？係呀，見唔見圖中4月嗰次係點補裂口，咪跌穿50天線去補囉，所以咪當50天線係神聖不可侵犯。另一個重要指標要睇實，就係RSI週線，由於佢係源頭出現超買，只要佢調整夠，市場就可以重展動力。
如果認同嘅就請LIKE & SHARE
#圖太郎 #恒指
Search